لااللبلاباتل



 
الرئيسيةالتسجيلدخول

شاطر | 
 

 (( موسووعــــه الرســــائل ))

اذهب الى الأسفل 
كاتب الموضوعرسالة
Gu$t Boy
نجم فعال
نجم فعال


ذكر عدد الرسائل : 736
الدولة :
تاريخ التسجيل : 21/04/2008

مُساهمةموضوع: (( موسووعــــه الرســــائل ))   الخميس أبريل 24, 2008 4:42 am

مــــرحــــبـــا

اذا كان الهوى دنيا انا بسكن نواحيها
وبزرع لك ورود الحب وماي العين يسقيها
وببني مسكنن عالي على اطيب اراضيها
وبفرش لك من امالي دروبن دوم تمشيها
وبقطف من السماء نجمه على دارك بخليها.

********

لا تحسب أني اذا ابطيت ناسيك
ما ينسى عشرة صاحبه غير الانذال
حدتني ظروفي على البعد لاجيك
هم بوسط القلب والدمع همال
والا انت ياكل الغلا افتخر فيك
حبك سكن داخل فؤادي ولازال

********

يارفيق القلب ماصدق نسيت
خابرك مهما تعذبني حنون
لا ذكرت ايامك الحلوه بكيت
ماتهون ايام ودك ماتهون
راحتي وياك لا منك صفيت
في ثواني كلها بوح وشجون
لاقريت انت الرساله وانتهيت
ودي اعرف في حياتك انا
من""اكون""..؟

********

لا تواخذني على قل الوصال
الامل مابيه مني تقطعة
الوفا بيني وبينك لايزال
لو يميل قلبي لغيرك امنعه
كل شي فيك يناديني تعال
وكل شي في فؤادي يسمعه
لكن اعذرني على قل السؤال
في خفوقي لك اربع حروف
"احـــــــــــــــــبك"...!

********

مساء النور "لا" اكثر مساء الورد بأنواعه
مساء الشمس لي تظهر ونور الفجر واشعاعه
مساء السحب لي تمطر كل لحظة وكل ساعه
مساء الورد المعطر بدهن العود واتباعه
وفوق اكثر ما تتصور
"مساء الامر والطاعة"!!!

********

بسألك ليه الهوى منك وفيك
ليه المشاعر ماتعيش الا بساعة شوفتك
ليه المحبه والوفاء وابيات شعري تهتويك
ليه انت وبس اللي أموت ببسمتك
تدري لو مره أقول أني كرهتك مأبيك
يرجع لي صدى صوتي يقول :
" الله مأاكبر كذبتك "....!

********

لا تسألوني وش جرى في حياتي
خلو همومي في الحشا مستقره
الصمت طبعي والمواجع صفاتي
والحزن كله وسط قلبي مقره
لو أستعيد بواقعي ذكرياتي
أحيا واموت بالثانيه الف مره
همي جمع من جميع الجهاتي
تجاوز حدود الفلك والمجره

********

ليت الوجع بعروق قلبي ولا فيك
وليت التعب غلطان ساهي ولا جاك
لو الشفا بضلوع صدري لا اداويك
واطحن جميع ضلوع صدري فداياك
الله من شر المقادير يحميك
والله يحفظك ياعيوني ويرعاك

********

ان قلت احطك فوق راسي اراعيك
اقول برد وشمس واخاف عليك
وان قلت احطك في عيوني واداريك
اخاف احجب النور عن باقي المخاليق
وان قلت في عروقي ودمي مجاريك
اخاف انجرح يوم وفي قطرات دمي افقدك
بالله قولي بس...انا وين أوديك وأحفظك؟

********

تصدق....
اشتقت لك!
أنا اعترف....
بعدك حياتي تختلف
تايه وحيد
أصيح باسمك وارتجف
في كل شي اتخيلك
ومهما تغيب عندي أمل
بكره تجي وبكل شوق
أ..س..ت..ق..ب..ل..ك!

********

كنت أضن الحب وسط القلوب
أثر حبك مالي الدنيا علي
دايم مشرق ولا يعرف غروب
منور ونوره تعدى كل ضي
كان حبك غلطتي ماراح أتوب
راح احبك لو كواني الحب كي
لي فؤاد في هواك دايم يذوب
من عرفتك انت عندي كل شي

********


لويطير الطير والا مايطير
ولو حدث بالكون فجوه وانقسام
ولو تبوك تصير في وادي عسير
ولو حدث تغيير في كل النظام
يستدير الكون كيفه يستدير
يحترق يشب لو يصبح حطام
متغير قيمتك وسط الضمير
قدرها يزداد عام بعد عام

********

لا تزعل ان جاك عني خبر شين
قالوا توفى بس هذي وصاته:
الاولى: حرام خدك تجرحه دمعة العين
الثانيه: لا تنسى منهو يحبك من سنين
ومحدن لاجلك يسوي سواته....!


********

مقدر حبي عالم فيه ربي
والا الموازين لغرامي ظلومه
لا لا تقارن حب أمك بحبي
أخاف من عينك تطيح الامومه
اخشى يقولون ماهو متربي
مابي اشارك في عقوق الرحومه
ياغايتي ماعد فيني أخبي
حبك تعدى حدود نفس كتومه

********

ياصاحبي مثلك أنا شاكي الحال
أشكي من الفرقى وطول سنينه
من واحد عندي له قلب ميال
والروح له تشتاق وتقول وينه
ان غاب جسمي يرتجف مثل زلزال
وان عاد يرجع له رضاه وسكينه

********

اقضي مع الافكار غربه وترحال
ذكرى تفرحني وذكرى حزينه
انت الفرح وانت السعاده والامال
يامن بنى له في ضميري مدينه
وانت الرفيق اللي مع الوقت مامال
مثل البحر ياكم حمل من سفينه

********
قلبي حزين وينعي اليوم ماصابه
يخفق ونبظاته تهز ضلوع
من يوم مافارق القلب احبابه
وهو بنيران الهواى ملسوع
والعين فاضت دمعها سحابه
تمطر سحايبها تفيض دموع
ليت الحب جاضي نرضا به
ماكان تعذيب القلوب مشروع
احلف بدين الله ويدي على كتابه
انه بقلبي وبداخلـــــي مزروع

********

ما يصير انساك لا مايصير
وفي خفوجي لك معزه واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لا لمحتك مابقى حولي ظلام
فيك عمري فيك روحي والمصير
فيك كل ايام عمري والسلام

********

يفداك من شافك على مر الايام
ياتاج راسي في ليال الشدايد
ان غبت زارتني هواجيس واوهام
وان جيت راح الهم عني بداد
وان زرتني بالطيف والا بالاحلام
كتبت فيك اغلى حروف والقصايد

********

ياكثر شوقي وانا عنك بعيد
في ديار مابها ذوق بلاك
لا ذكرتك راحت افكاري تعيد
اذكر الايام واوقاتي معاك
لو قست الايام والحظ العنيد
ما نسيتك يابعد هذا وذاك
كيف انسى دام حبك بالوريد
كل نبضه تنده بصوت دعاك

********

كل خل يحب خله في حدود
بس انا جاوزت حدي في غلاك
والسبب مالك بالوجود
خالقك ربي على صوره ملاك
كل خلق الله على زينك شهود
لك صفات ماعطاها الله سواك
لك عيونن ناعسه خدره وسود
من نظرها شاف موته والهلاك

********

الطيب ورثك ماشريته بالاثمان
متسلسل من نبع ناس طيبين
الطيب ساسك وانت للطيب ديوان
قول"صحيح" ولا يبي له برهان
لبست من طيبك على الراس تيجان
تاج" قوي ولا تهزه سلاطين

********

عليك قلبي من عنا الشوق مقتول
ساعة بلا صوتك تزيد انشغالي
معقول قلبك طاوعك غير معقول
ادري بحالك يالغلا مثل حالي
ما دام حبك يا هوى القلب مقبول
لا تنشغل عنا ولا تكون سالي

********

ياكثر شوقي وانا عنك بعيد
في ديار مابها ذوق بلاك
لا ذكرتك راحت افكاري تعيد
اذكر الايام و اوقاتي معاك
لو قست الايام والحظ العنيد
ما نسيتك يابعد هذا وذاك
كيف انسى دام حبك بالوريد
كل نبضه تنده بصوت دعاك

********

لا هنت يامرسال عسى ايامك طوال
وعمري عسى ربك يبارك سنينه
انت صديق الصدق قول وافعال
ومثلك ترانا للزمن ذاخرينه
وانت العزيز اللي لك المدح ينقال
والمدح في مثلك حباله متينه

********

عزت علي النفس لا قول مشتاق
خوفن تذوب الروح مع كل غيبه
دمني حي انا اشهد بداخلي قلب خفاق
ولك بداخلي احترام مثل مالك هيبه
روعـــــه وذوق وحــــلو اخــــلاق
ما عمري لقيت بك شي اقدر اعيبه



### في الختـــــام ###

أذكــــــروني بخيــــــر




♥♥♥ By Gu$t Boy♥♥♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليــــــــــالــــــــــي
.
.
avatar

انثى عدد الرسائل : 230
الدولة :
تاريخ التسجيل : 08/11/2007

مُساهمةموضوع: رد: (( موسووعــــه الرســــائل ))   الخميس أبريل 24, 2008 10:48 pm


مشكوووووووور على الرسااااائل الرااااائعه

يعطيك العافيه

دمت بخيــــــــــــــــــر..

تحياتي

_________________
ـــــــــــــــــــــــــــــــــــــــــــــــــــــ الـــتوقيـــــــــــع ــــــــــــــــــــــــــــــــــــــــــــــــــــــــــ




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://r66r.yoo7.com
Gu$t Boy
نجم فعال
نجم فعال


ذكر عدد الرسائل : 736
الدولة :
تاريخ التسجيل : 21/04/2008

مُساهمةموضوع: رد: (( موسووعــــه الرســــائل ))   الجمعة أبريل 25, 2008 4:57 am

تسلمين على المشركه الرائعه


تحيااتي


♥♥♥ By Gu$t Boy♥♥♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ليتكـ معي
.
.


عدد الرسائل : 92
تاريخ التسجيل : 09/11/2007

مُساهمةموضوع: رد: (( موسووعــــه الرســــائل ))   الجمعة أبريل 25, 2008 7:19 pm

مشكووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Gu$t Boy
نجم فعال
نجم فعال


ذكر عدد الرسائل : 736
الدولة :
تاريخ التسجيل : 21/04/2008

مُساهمةموضوع: رد: (( موسووعــــه الرســــائل ))   الإثنين أبريل 28, 2008 4:37 pm

تسلم على التواجد


تحيااتي

♥♥♥ By Gu$t Boy♥♥♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(( موسووعــــه الرســــائل ))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: 
منتديات الفضائيات والاتصالات
 :: ليـــالـــي الجوال والمسجات والنغمات
-
انتقل الى: